10 Feb DESCOBRE AS CITAS MÁIS IMPORTANTES COA ECONOMÍA CIRCULAR E A SUSTENTABILIDADE ESTE 2020

Cada ano danse lugar no noso país unha serie de eventos nos que se busca compartir ideas e solucións que axuden á mellora do medio ambiente. En Agroamb esta práctica forma parte da nosa razón de ser como organización, mediante o noso labor informativo e didáctico, dando a coñecer o noso modelo de economía circular en todos aqueles relatorios nas que participamos ao longo de todo o ano.  Por iso, nesta ocasión queremos mostrarvos algunhas das citas que debedes marcar o calendario se non queredes perdervos todo o relativo ao desenvolvemento sostible do noso planeta. En todos estes eventos se debate sobre as mellores alternativas e plans de acción que as organizacións propoñen e aplican nas súas respectivas actividades.

–VI Congreso Internacional de Educación Ambiental . Cunha duración de catro días, do 13 ao 16 de febreiro, este evento levará a cabo en Madrid, na Universidade de Alcalá de Henares. O seu obxectivo é propiciar o intercambio de coñecementos e experiencias sobre prácticas de educación ambiental en América Latina, o Caribe e Europa. Dividirase en catro eixos temáticos: Educación ambiental escolar e na formación profesional (Educación de calidade. ODS 4), Educación ambiental comunitaria (Cidades e comunidades sostibles. ODS 11), Educación ambiental e adaptación ao cambio climático (Acción polo clima. ODS 13), Educación ambiental e seguridade alimentaria (Produción e consumo responsables. ODS 12 – Saúde e benestar. ODS 3)

-(Evento cancelado) Workshop Economía Circular. O próximo 24 de marzo daranse cita diferentes responsables de empresas galegas para tratar en profundidade todo o relacionado coa economía circular. Entre as empresas atópanse: Anfaco- Cecopesca, PSA GROUPE Vigo, Revertia e Agroamb.

–International Conference on Innovation and Circular Economy. Esta Conferencia celebrarase os próximos 26 e 27 de marzo poca Universidade de Santiago de Compostela. Contará con Walter Stahel como orador invitado. Segundo o establecido na convocatoria de ponencias, as liñas temáticas nas que se basea o congreso son: interrelación entre innovación e economía circular, innovación e política de innovación, políticas de economía circular e economía circular e políticas ambientais e sustentabilidade. Ademáis, este caso Agroamb participará dando unha charla sobre a valorización da terra galega, transformando un residuo en recurso para os sectores agroforestal e gandeiro. É importante recordar que esta conferencia realizarase en forma de videoconferencia. Preme nesta ligazón para poder inscribirte.

–VII edición del Foro Nacional de Desarrollo Rural. Terá lugar os próximos días 25, 26 e 27 de marzo no marco da Feira Internacional de Maquinaria Agrícola de Zaragoza, baixo o lema “A formación no sector agroalimentario”. Está organizado polo Colexio Oficial de Enxeñeiros Agrónomos de Aragón, Navarra e País Vasco contará coa colaboración e o apoio da Rede Rural Nacional.

–Feria Internacional de la Recuperación y el Reciclado. Trátase da sétima edición deste evento organizado por IFEMA  celébrase entre os días 10 e 12  de xuño, na Feira de Madrid. Ademais, o salón está promovido por FER, Federación Española da Recuperación e a Reciclaxe entre outros. celébrase no marco de FSMS-Foro de Medio Ambiente e Sustentabilidade integrado ademais por TECMA, ESCLEAN e o FORO DAS CIDADES DE MADRID.

–COP26. Conferencia da ONU sobre Cambio Climático, levará a cabo do 9 ao 20 de novembro. Este ano a cidade elixida para a súa celebración é Glasgow, situada en Escocia. Mentres que a súa anterior edición celebrouse no noso país. Espérase a asistencia de máis de 30.000 persoas, entre autoridades de gobernos, delegados e activistas. Algúns temas pendentes, e que se continuarán discutindo na COP26 en 2020, son o Artigo 6, que regulará o mercado do carbono, a “Rede Santiago”, que axuda a países vulnerables, océanos, que foi incorporado en texto final, tempos comúns, transparencia, financiamiento a longo prazo e comité de adaptación, ente outros.

–CONAMA. O Congreso Nacional de Medio Ambiente celebrarase a finais deste 2020, do 23 ao 26 de novembro, dado que leva a cabo cada dous anos. Articúlase en noves eixos: residuos, economía e sociedade, calidade ambiental, mobilidade, enerxía, eficacia e cambio climático, auga, biodiversidade, desenvolvemento rural e renovación urbana. Este evento é popularmente coñecido, sendo o principal congreso ambiental en España con máis de 7.000 participantes na súa última edición e unha rede de 493 institucións colaboradoras.

Ademais deste tipo de eventos, ao longo de todo este ano celébranse días sinalados dos que tamén convén ter coñecemento. Entre eles atópanse:

–Día Mundial del Agua. Lévase a cabo o 22 de marzo, a súa conmemoración xurdiu tras a celebración en 1992 da Conferencia das Nacións Unidas sobre Medio Ambiente e Desenvolvemento efectuada en Río de Janeiro. Trátase dunha data na que se busca a reflexión en relación ás problemáticas relacionadas coa auga en diferentes puntos do noso planeta.

–Hora del Planeta. Esta iniciativa ideada pola organización WWF leva celebrándose con éxito varios anos. Cada 28 de marzo, diversas institucións, empresas e ata edificios emblemáticos apagan a súa iluminación entre as 20:30 e as 21:30 dese día.

–Día de la Tierra. Celébrase o 22 de abril e o seu obxectivo baséase en recoñecer a importancia dos ecosistemas e do planeta. Unha data para concienciar da necesidade de facer fronte aos problemas que afectan á Terra.

–Día Mundial del Medio Ambiente. Celébrase desde o ano 1974, da man da ONU, todos os 5 de xuño. É considerada unha das datas máis importantes de todo o ano en materia de sustentabilidade e protección da natureza.

–Día Mundial de la Lucha contra el Cambio Climático. Dadas as graves consecuencias que está a orixinar no noso planeta este fenómeno. Cada 24 de outubro leva a cabo esta celebración tamén promovida pola ONU.